Jaha: Më 9 shkurt LDK-ja do të rikthehet si partia e parë në Llap

00:01 | 20 Nëntor 2024
E.G

Lidhja Demokratike e Kosovës, ka disa ditë që e ka nisur parafushatën zgjedhore.

Në degën e LDK-së në Llap, duket se ka pasur disa pakënaqësi nga figura si Agim Veliu, i cili dikur drejtonte këtë degë, përpos që drejtonte edhe Komunën për disa mandate.

E ky hidhërim ka shkaktuar paksa telashe tek organizimi i brendshëm atje.

Pikërisht për këtë shkak ka folur anëtarja e këtij subjekti në Podujevë, Fatlume Jaha.

Jaha u shpreh e bindur se LDK-ja do të kthehet si parti e parë në bastionin e dikurshëm që tash udhëhiqet nga Vetëvendosje.

Ajo në Edicionin Special në Klan Kosova tha se dega e LDK-së atje është unike.

“Ne konsiderojmë që fillimisht ta rikthejmë Llapin si partia e parë më 9 shkurt e pastaj edhe në zgjedhjet lokale që po ashtu do të mbahen në vitin 2025”, tha Jaha në Klan Kosova.

Shpërndaje në rrjete sociale

Lajmet më të lexuara

Të ngjashme

Foto lajm